राजनीति
५१२ स्थानीय तहमा कांग्रेसको गाउँ-नगर अधिवेशन सम्पन्न
- समाज पाना |
- असोज ७, २०८३
काठमाडौं । नेपाली कांग्रेसको १५ औं महाधिवेशनअन्तगर्त बुधबार ५१२ स्थानीय तहमा गाउँ-नगर अधिवेशन भएको जनाएको छ । केन्द्रीय निर्वाचन समितिले पालिका अधिवेशनअन्तर्गत ५८ जिल्लाका ५१२ पालिकामा अधिवेशन भएको जानकारी प्राप्त भएको जनाएको हो ।
समितिले बाँकी रहेका २४१ पालिकामा भोलि र पर्सि (बिहीबार र शुक्रबार) पनि अधिवेशन जारी रहने जनाएको छ ।
समितिले विज्ञप्ति जारी गरेर बिहीबारदेखि भारी वर्षा हुने पूर्वानुमान रहेकोभन्दै निर्वाचन अधिकृतहरूलाई आफू मातहतका पालिका, प्रदेशसभा र प्रतिनिधिसभाको अधिवेशन अनुकुल समय मिलाएर गर्न पनि निर्देशन दिएको छ ।
