काठमाडौं । नेपाली कांग्रेसले पार्टीको आन्दोलनमा लागेर शिक्षा, जीविका वा अवसर गुमाएका शहीद, द्वन्द्वपीडित र घाइतेका परिवारलाई सहयोग गर्न १० करोड रुपैयाँको अक्षय कोष स्थापना गर्ने घोषणा गरेको छ।

काठमाडौंमा जारी १५औं महाधिवेशनमा सभापति गगनकुमार थापाले प्रस्तुत गरेको राजनीतिक प्रस्तावमा पार्टीका योद्धाहरूप्रतिको पारिवारिक अपनत्व र जिम्मेवारी बोध गर्दै उक्त कोष बनाउने नीति अघि सारिएको हो।

दस्तावेजमा भनिएको छ, ‘सम्बन्धित परिवारको शिक्षा तथा स्वास्थ्य सहयोगका लागि दश करोड रुपैयाँको अक्षय कोष स्थापना गर्ने प्रस्ताव पारदर्शी संकलन, सञ्चालन र लेखापरीक्षणसहित अघि बढाइनेछ।’

यसका साथै सामाजिक र राष्ट्रिय सरोकारका मुद्दाहरूमा पार्टीलाई सिधै नागरिकसँग जोड्न राष्ट्रिय सरोकारका लागि नेपाली कांग्रेस ९एनसी फर एनसी० नामक अभियान सञ्चालन गरिने पनि प्रस्तावमा उल्लेख छ।

जातीय विभेद, बालविवाह, लैंगिक हिंसा, भ्रष्टाचार र असमानताविरुद्ध समाजमा काम गर्नुलाई कांग्रेसले अब आफ्नो राजनीतिक जिम्मेवारी मानेको छ।